Шпанија | Детето од Ирак кое носеше дрес од Меси направен од пластична кеса е пронајдено откако по иницијатива на ѕвездата на Барса беше почната потрага по него...



Во изминатите недели хит на интернет беше една фотографија од дете од Ирак кое очигледно немало пари да купи дрес од својот јунак па го направило од пластична кеса.

Тимот на Меси кој работи за ѕвездата на Барселона на социјалните мрежи преку твитер повика да се најде детето со цел Аргентинецот да му подари оригинал дрес.

Курдскиот тв канал Курдистан24тв го пронајде момчето и откри дека сликата со кесата е сликана пред две години. Името на момчето е Хомид и живее во Дохук, Курдистан, што е дел од Ирак. Регион зафатен од воини во изминатите години.

Детето кое сега има дрес од Меси од Барселона, потврди дека е голем фан на Аргентинецот.

„Го сакам Меси, тој е фантастичен играч" - изјави Хомид кој потврди дека неговиот татко се бори против ИСИС, додека тој живее со својата мајка која е домаќинка.

Сега останува Меси да си го исполни ветувањето и да му прати оригинал дрес на младото момче.

Извор: 24FUDBAL.com.mk