Македонија | Македонскиот репрезентативец, Аријан Адеми е свесен дека четвртата лига сега е негова реалност, но вели дека и во неа ќе дава се од себе исто како да игра во Лигата на шампионите...



Аријан Адеми ја издржува четири годишната суспензија која му беше изречена по позитивниот допинг тест направен по мечот со Арсенал. Динамо Загреб поднесе жалба и ја чека одлуката на Арбитражниот суд за спорт од Лозана.

Во меѓувреме Адеми може да настапува само во аматерски лиги, тој најверојатно ќе го носи дресот на четворолигашот Кустошија каде што ќе игра како позајмен од Динамо Загреб.

„Видов во медиумите дека ќе играм во Кустошија, не знам ништо конкретно, таа одлука му ја препушам на Динамо Загреб" - вели Адеми.

„Сакам само да играм фудбал и немам ништо против да го носам дресот на Кустошија, ја прифажам таа опција. И за нив ќе давам се од себе исто како за Динамо Загреб во Лигата на шампионите. Четвртата лига за мене е реалност, ќе давам и таму 100%".

„Не се откажувам од професионалниот фудбал, кога тогаш повторно ќе играм".

Извор: 24FUDBAL.com.mk