Македонија | Ако на пријателска загубија со 5:0 од второлигашот Горно Лисиче, што ли ги чека кога ќе се соочат со Вардар, Шкендија, па и Работнички?



Синоќа Металург и Горно Лисиче одиграа пријателски натпревар на еден од терените во тренинг центарот „Петар Милошевски“ кој заврши понижувачки за прволигашот.

Екипата од Железара успеа да загуби со 5:0 со головите на Симеон Христов, Благојче Спиркоски и трите на Иван Настевски. Ако примија толку голови од еден второлигаш, со право се прашуваме како ќе изгледа пролетва во нашата Прва Лига. Јасно е дека Металург има проблеми, есенва играше со крајно млад тим, а зимава им заминаа најдобрите од тие млади играчи.

На какви ли резултати ќе бидеме сведоци кога ќе играат со двете најефикасни екипи во првенството, Вардар и Шкендија? Па и со Работнички, кој и натаму има добар тим. Моментално најдобрите стрелци, Бесарт Ибраими и Баже Илијоски (двајцата со по 13 голови) одвај ќе чекаат да излезат на мегдан со Металург за да си набилдаат голови.

Ќе има бркање 7+ по кладилници...

Извор: 24FUDBAL.com.mk