Германија | Мускулните повреди кај „баварците“ станаа хронични, а се претпоставува дека играчите не тренираат доволно и поради тоа се нежни...



Синоќа Баерн го совлада Хамбург со 2:1, но го загуби Жером Боатенг. Тој е веќе петтата жртва на болки во мускулите или поточно на адукторот. Проблемот е што поради истата повреда веќе надвор од теренот се и Бенатија, Бернат, Рибери, Гетце и Улрајх (резервниот голман).

Претходно слични повреди имаа и Робен, Бадштубер, Даглас Коста и Лам. Токму капитенот синоќа призна: „Едноставно не можам никако да дојдам до логично објаснување за причината на сите овие повреди.“

Според Билд, проблемот е што Гвардиола премногу брзо ги става играчите во игра откако ќе се опорават од повреда. Германскиот весник дури и направи истражување кое покажало дека од сите бундеслигаши, Баерн за време на зимската пауза тренирал најмалку и одиграл најмалку пријателски.

Уште една причина е и тоа што по завршувањето на минатата сезона замина во пензија главниот клупски лекар, легендарниот Ханс-Вилхелм Милер-Волфарт.

Извор: 24FUDBAL.com.mk