Италија | Масимо Алегри вели дека е среќен во Јувентус и сака да го испочитува договорот негирајќи ги шпекулациите кои го поврзуваат со тренерското столче во Челси...



Информациите од Англија велеа дека Масимо Алегри е цел број еден на Роман Абрамович за нов тренер.

Челси е во потрага по предводник за следната сезона, а доколку Алегри навистина го мисли тоа што го зборува, тој останува во Јувентус.

„Во моментов размислувам само за Серија А, Купот на Италија и Лигата на шампионите" - вели Алегри.

„Имам договор со Јувентус до 2017 и веќе неколку пати кажав. Среќен сум тука, тоа е тоа".

„Тоа се само игри со шпекулации, како што има за играчите, има и за нас тренерите".

Извор: 24FUDBAL.com.mk