Македонија | Популарниот Тричко замина на шест-месечна позајмица во клубот од Ларнака каде што пред некој ден отиде и Даниел Мојсов...



Беше јасно дека репрезентативецот Иван Тричковски ќе мора да ја напушти Легија од Варшава откако самиот менаџер Станислав Черчесов изјави дека не му е потребен.

Негова следна дестинација е Кипар од каде денес беше потврдено дека Тричко се согласил до крајот на сезоната да настапува како позајмен играч за лидерот АЕК од Ларнака. Тој веќе има играно во оваа земја и тоа до летото 2012 кога играше за АПОЕЛ и Енозис.

Таму друштво ќе му прави на дефанзивецот Даниел Мојсов кој исто така зимава го засили кипарскиот клуб. Нивниот нов клуб е на врвот на табелата со 45 бодови, три повеќе од второпласираниот Анортосис и четири од АПОЕЛ.

АЕК никогаш не бил шампион на Кипар, лани беше втор, а има една титула во домашниот куп.

Извор: 24FUDBAL.com.mk