Германија | Тренерот на Баерн, Пеп Гвардиола вели дека му било досадно за време на зимската пауза во Бундеслигата, па е среќен што конечно продолжува првенството во Германија...



Додека на ’Островото’ менаџерите се погласно бараат зимска пауза и се жалат од густиот празничен распоред, Пеп Гвардиола вели дека изминативе 30 дена му биле прилично досадни.

Бундеслигата по еден месец пауза одново се враќа овој викенд, и Шпанецот е пресреќен што пред него одново е натпревар кој има резултатско значење.

„Среќен сум што одново играме официјален натпревар” – вели Гвардиола.

„Досадно е кога долго време не играте фудбал”.

Очигледно ова нема да биде проблем за Пеп Гвардиола следната сезона, со оглед на тоа дека тој летоска ќе замине од Минхен.

Се верува дека Шпанецот ќе ја продолжи кариерата во Премиерлигата, а Манчестер сити се посочува како следна дестинација.

Извор: 24FUDBAL.com.mk