Италија Агентот на Марио Балотели, Мино Раиола инсистира дека неговиот клиент нема да се пресели во Милан и ќе остане во Интер уште долги години

Младиот напаѓач е во недоразбирање со тренерот на Интер, Жозе Мурињо и поради тоа беше изоставен од составот на последните пет натпревари.

Доколку односот помеѓу двајвата не може да биде поправен, медиумите од Италија шпекулираат дека Балотели ќе испрати официјално барање за трансфер и ќе замине од Џузепе Меаца по крајот на сезоната.

Поради тоа што Марио како дете бил фан на Милан, напаѓачот силно се поврзува со преселба кај лутиот градски ривал на Интер но агентот на играчот негира преселба во редовите на Росоњерите.

Во интервју за Sky Sport Italia Мино Раиола вели дека Балотели уште долги години ќе биде во Интер.

“Марио нема да оди во Милан и никогаш немало ников контакт.” – рече Раиола.

“Балотели ќе биде во Интер уште долго време.“

“Секако дека во моментов не поминува низ среќен период, со оглед на тоа дека не игра фудбал, но јас ја почитувам и прифаќам причината зад одлуката направена од клубот и тренерот.”

“Протичитав и слушнав многу глупи работи, и се што се пишува за Марио не е вистина. Јас се грижам за интересот на Марио и немам корист за да измислувам некои работи.”

“Клубот е тој што треба да ја расчисти ситуацијата што настана.”

Powered by: 24 FUDBAL.com.mk