Италија Поранешната легенда на Бјанконерите, Мишел Платини вели дека Јувентус се наоѓа во сегашната ситуација зошто тимот прелесно се откажува

Јувентус на почетокот од сезоната имаше шампионски амбиции но сега кон крајот на сезоната Бјанконерите имаат само една цел – освојување на четвртото место кое следната сезона ќе им донесе пласман во Лигата на Шампионите.

Во моментов тие се надвор од топ четворката и ги делат три бода од четврто пласираниот Палермо.

Претседателот на УЕФА и поранешен играч на Јувентус беше запрашан од новинарите зошто Старата Дама не се наоѓа помеѓу врвот во Серија А, а Французинот на тоа одговори: “Во моментов тоа е така. Но сеуште има многу. Можеби ситуацијата е таква бидејќи тие прелесно се откажуваат.”

Платини потоа беше запрашан и за битката за Скудетото откако Рома ја намали разликата на Интер на само еден бод.

“Мурињо е одличен тренер а Интер е одличен тим. Но титулата се освојува на теренот.”

“Не можам да прогнозирам кој ќе ја освои титулата бидејќи битката на теренот одлучува кој ќе биде шампион.”

Поранешната ’10ка’ на Јувентус исто така е задоволен од досегашното издание на Лигата на Шампионите.

“Поминаа десет години откако во четврт-финалето има клубови од шест земји.”

“Нека победи најдобриот.”

Powered by: 24 FUDBAL.com.mk