Англија Според медиумите од Англија, Немања Видиќ нема да добие казна од ФА откако со лакт го удри напаѓачот на Болтон, Јохан Елмандер

При еден воздушен дуел со Елмандер, Видиќ го употреби својот лакт по што напаѓачот на Болтон заврши со неколку конци на главата.

Судијата Мартин Еткинсон се реши да не досуди ништо но ФА има право да ги употреби ТВ снимките за да го казни дефанзивецот на Јунајтед.

Медиумите од Англија вчера најавија дека српскиот интернационалец можно е да добие четири натпревари казна доколку биде обвинет за насилно однесување од ФА со што ќе го пропушти многу важниот дел од сезоната на Црвените Ѓаволи.

Автоматската казна од три натпревари што ја доделува ФА за насилно однесување ќе прерасне во суспензија од четири натпревари поради тоа што Видиќ веќе беше исклучен оваа сезона на дуелот со Ливерпул.

Но последните извештаи на медиумите од Островото говорат дека Видиќ ќе избегне казна.

Guardian вели дека ФА нема да покрене никаква постапка кон денфанзивецот на Јунајтед со оглед на тоа дека Мартин Еткинсон во својот извештај навел дека судирот помеѓу Видиќ и Елмандер бил ненамерен.

Powered by: 24 FUDBAL.com.mk