Англија | Весникот The Sun на свој начин му се извини на Луј ван Гал, и го пецна стратегот за сите неуспеси што ги доживеа оваа сезона...
Холанѓанецот е бесен што медиумите од ’Островото’ постојано пишуваат за неговата иднина и наводниот отказ, па на вчерашната прес конференција побара извинување и во знак на револт, нервозно ја напушти средбата со новинарите.
The Sun денеска реши да се извини, но весникот само се мајтепеше со Луј ван Гал, и дотури сол во раната на фановите на Манчестер јунајтед.
„ЛВГ побара извинување, па... Извини” – гласеше насловот на сторијата.
„Се извинуваме поради тоа што Манчестер јунајтед не знае за победа на шест натпревари во низа”.
„Се извинуваме поради тоа што од 1. позиција на табелата Манчестер јунајтед падна на 5. позиција”.
„Се извинуваме поради тоа што Манчестер јунајтед испадна од Лигата на Шампионите”.
„Се извинуваме поради тоа што фановите плачат од твојот досаден фудбал”.
„Се извинуваме поради тоа што ти потроши 250 милиони фунти за да го направиш сето ова”.
Весникот на крајот им се обрати на фановите на најтрофејниот клуб од Англија.
„Навивачи на Манчестер јунајтед, ви се извинуваме од срце, но засега тој останува”.
Извор: 24FUDBAL.com.mk
