Италија Агентот на Марио Балотели, Мино Раиола вели дека воопшто не е изненаден од тоа што неговиот клиент не доби повик за настап против Рома

Италијанскиот интернационалец до 21 година утрово одржа состанок со Жозе Мурињо но очигледно двајцата не успеаа да ги надминат проблемте по што Марио го напушти тренинг центарот а по краток период Интер го објави списокот на играчи повикани за дуелот со Рома и секако името на напаѓачот не се најде на него.

Ова е петти натпревар што Балотели ќе го пропушти поради недоразбирање со Жозе Мурињо и агентот на напаѓачот вели дека воопшто не бил изненаден од ваквиот развој на настаните.

Мино Раиола додава дека Марио е резочаран што не е во составот но додава дека играчот е смирен.

“Воопшто не сум изненаден што тој не се најдво во составот.” – рече Раиола за ANSA.it “Ќе бев изненаден доколку се случеше спротивното.”

“Очигледно, доколку Мурињо не го повикува Марио тогаш тоа е одлука со која се согласува и клубот.”

“Секако дека тој не е задоволен што повторно е изоставен од составот, но Марио има чиста совест и се чувствува смирено.”

Во интервју за Tuttomercatoweb.com, Раиола беше запрашан кои се причините зошто Балотели е изоставен.

“Не ме прашувајте мене. Прашајте го Мурињо зошто тој ја прави формацијата и списокот на играчи кои се повикани за настап.”

Powered by: 24 FUDBAL.com.mk