Италија Претседателот на Палермо, Маурицио Зампарини откри дека напаѓачот Единсон Кавани го обновил договорот

Како што пренесовме вчера, медиумите од Италија најавија дека интернационалецот од Уругвај е пред продолжување на верноста со Палермо.

Ваквите информации денес ги потврди претседателот на Палермо, Маурицио Зампарини кој изјави дека Кавани ставил потпис на нов договор.

Зборувајќи за Palermo24.net Зампа откри дека Кавани ставил потпис на тригоишно продолжување на сегашниот договор според кој ќе остане на Сицилија до 2015.

“Да, Кавани стави потпис на нов договор во кој има откупна клаузула слична како на големите фудбалери.”

Запрашан колку ќе треба да платат клубовите што се заинтересирани за услугите на напаѓачто со цел да ја активираат клаузулата, претседателот на Палермо додаде: “Клаузулата ќе може да го ослободи Кавани од договорот но само доколку некој плати 25 милиони евра во кеш.”

Се очекува Палермо по крајот на сезоната да добие голем број на понуди за нивните млади ѕвезди.

Интер се поврзуваше со ангажман на Кавани во јануари и се најавува дека Нероаѕурите повторно ќе се обидат по крајот на сезоната.

Покрај Кавани на мета на гигантите се и младите Хавиер Пасторе и Симон Кјаер.

Powered by: 24 FUDBAL.com.mk