Лига на Шампиони | Челси и Арсенал не ја доживеаа судбината на Манчестер јунајтед и успеаа да се пласираат во осминафиналето од Лигата на шампионите...
На Челси му одговараше и реми против Порто, но избраниците на Мурињо конечно одиграа добра партија, победија со 2-0 и завршија на првото место во групата.
Резултатот беше отворен уште во 12. минута, Диего Коста шутираше, топката ја одби Икер Касиљас таа се одби од Марчано и заврши зад гол линијата за водство на Челси од 1-0.
Во продолжението сините го контролираа натпреварот а сите дилеми ги реши Вилијан по седум игра во вториот дел кога погоди за конечни 2-0.
Жиру со хет-трик го однесе Арсенал во осминафиналето од Лигата на шампионите, топчиите со 3-0 победија на гостувањето кај Олимпијакос.
На Арсенал му беше потребна победа од два разлика, но со трите погодоци на Жиру убедливо ја завршија задачата, одлична партија имаше и Петр Чех кој одбрани неколку добри обиди на домаќините.
Гери Невил за прв пат ја водеше Валенсија и неговиот деби настап не беше успешен, на Местаља загубија од Лион со 0-2.
Гент е големо изненадување, со денешната победа над Зенит од 2-1 обезбеди пласман меѓу осумте најдобри.
Леверкузен бркаше победа над Барселона, но не успеа, натпреварот заврши 1-1, а стрелци на погодоците беа Меси и Чичарито.
Рома ја продолжи резултатската криза, одигра 0-0 на Олимпико против БАТЕ Борисов и само поради подобриот скор во меѓусебниот дуел со Леверкузен продолжува во Лигата на шампионите.
Баерн Минхен со два гола на Левандовски го победи Динамо во Загреб, победата можеше да биде и поубедлива, но Милер промаши пенал во финишот.
Динамо Киев со 1-0 го победи Макаби Тел Авив.
Извор: 24FUDBAL.com.mk
