Англија | Жозе Мурињо верува дека има комплетна поддршка од Роман Абрамович и покрај катастрофалната сезона која ја игра Челси во Премиерлигата...



Кога сите помислија дека Челси полека се враќа во игра, сините беа поразени од Борнмут на Стемфорд Бриџ по што повторно се појавија шпекулациите за иднината на Мурињо.
 
Челси утре не смее да загуби од Порто, доколку се случи тоа ќе биде елиминиран од Лигата на шампионите, а многумина сметаат дека еден таков развој на настаните би бил кобен за идината на Мурињо во Челси.
 
„Мислам дека имам направено доволно добри работи за клубот за сопственикот да знае какви квалитети имам" - вели Мурињо.
 
„Не мислам дека сопственикот е личност која се менува како дува ветерот. Знам дека ветерот е навистина силен поради резултатите во Премиерлигата, но исто имам чувство дека тој знае дека сум најдобар за овој клуб".

Извор: 24FUDBAL.com.mk