МЕНИ

Лига на Шампиони | Денеска започнува последното коло од групната фаза во Лигата на шампионите, англискиот гигант Манчестер јунајтед пред тежок испит на гостувањето кај Волфсбург...

ПСВ Ајндховен влегува како фаворит на домашен терен против ЦСКА Москва и ако ја потврди таквата улога и на теренот и го добие мечот, Манчестер јунајтед ќе мора да слави на гостувањето кај Волфсбург за да продолжи во Лигата на шампионите.

Притисокот врз Луи ван Гал по неубедливите партии на Јунајтед е голем, а натпреварот против Волфсбург може да биде и пресуден за него.

Ван Гал не може да смета на повредениот Руни кој и онака беше далеку од својата препознатлива форма. Марсијал имаше супер старт со четири гола на четири натпревари, но во последните 13 меча само еднаш ја затресе противничката мрежа.

Пред Јунајтед вечерва е тешка мисија, но не и невозможна, да се победи Волфсбург на негов терен во моменти кога формата на англискиот тим не е добра.

Во останатите групи кои на програмата се денес, прашањата околу патниците во осминафиналето се веќе решени.

Натпревари од ЛШ кои се играат денес:

Бенфика - Атлетико Мадрид
Галатасарај - Астана
Манчестер Сити - Менхенгладбах
ПСЖ - Шахтјор
ПСВ - ЦСКА Москва
Реал Мадрид - Малме
Севиља - Јувентус
Волфсбург - Манчестер јунајтед