Англија | Легендарниот Сер Алекс Фергусон застана во одбрана на Жозе Мурињо, верува дека ’Специјалниот’ може да го врати Челзи на победнички патеки и го советува Роман Абрамович да не му даде отказ на Португалецот...



’Сините’ играат очајно лошо оваа сезона и се наоѓаат во долниот дел на табелата, само два бода над зоната за испаѓање.
 
Притисокот врз Жозе Мурињо е огромен, и често се говори дека стратегот ќе добие отказ.
 
Сепак, легендарниот Сер Алекс Фергусон верува дека лидерите на Челзи треба да застанат зад Португалецот, и очекува во скоро време Жозе Мурињо да го врати клубот од Стемфорд Бриџ на победнички патеки.
 
„Абрамовиќ промени толку многу тренери во последните 10 години па верувам дека ја има научено лекцијата” – вели поранешниот предводник на Манчестер јунајтед.
 
„Мора да има верба во Жозе, и да верува дека Мурињо ќе ги промени работите”.
 
„Нема никаква логика во тоа да му врачите отказ на еден од најдобрите тренери во историјата на фудбалот”.
 
„Би било лудост да го избркате Жозе. Тоа е лошо раководење”.
 
„Ја следам неговата ситуација, и во неколку наврати разговарав со Мурињо”.
 
„Тој за прв пат се наоѓа во ваква ситуација, кога не може да донесе успех”.
 
„Доколку ја погледнете неговата кариера, таа постојано е во пораст, па ова е прв пат да се соочува со лош публицитет и проблеми. Ова е предизвик за него, но гледам знаци на подобрување и покрај тоа што загубија во саботата”.
 
„Го гледав натпреварот, лесно можеа да победат со неколку гола разлика, но на крајот загубија”.
 
„Не им е лесно на менаџерите во денешно време. Медиумското внимание е огромно. Фудбалот стана голема финансиска индустрија”.
 
„Што се однесува до Жозе, очекувам да пронајде решение и да се врати во нормала”.
 
„Во моментов ситуацијата не изгледа добра, но го познавам човекот и неговата работа, па очекувам во скоро време Челзи да им се врати на победите”.

Извор: 24FUDBAL.com.mk