МЕНИ

Шпанија | Според денешното издание на AS, ’Кралевите’ веќе почнале да работата на ангажман на Роберт Левандовски од Баерн Минхен...

Весникот пренесува дека агентот на Полјакот, Цезари Кухарски во саботата бил присутен во ложата на Сантијаго Бернабеу и го следел дуелот помеѓу Реал Мадрид и Гетафе.

’Кралевите’ се во потрага на ново звучно име со оглед на тоа дека постојат реални шанси Карим Бензема да замине од клубот, Французинот е во центарот на голем скандал и е осомничен дека помагал да бидат изнудени пари од неговиот соиграч од репрезентацијата, Матју Валбуена.

Флорентино Перез во Роберт Левандовски гледа нов ’Галактико’ па Реал веќе почнал да работи на ангажман на напаѓачот.

Но зделката нема да биде лесна ниту пак ефтина. Роберт Левандовски е обврзан кон Баерн Минхен до 2019, а ’Баварците’ веќе работат на нов договор на фудбалер и имаат намера да го направат Полјакот најплатен играч во историјата на клубот.

Според AS, Роберт Левандовски ја одбил првата понуда за продолжување на верноста, па затоа Реал Мадрид верува дека може да стигне до 27 годишниот напаѓач и внимателно ја следи целата ситуација.