МЕНИ

Македонија | Вардар го загуби и реванш четвртфиналниот натпревар од Шкендија, пораз од 2-1 и елиминација од Купот на Македонија...

Ништо од најавите на Вардар за реванш, македонскиот шампион не одигра доволно добро ниту да забележи обична победа над Шкендија, за анулирање на високата негатива не станува ни збор.

Можеби се ќе беше поинаку доколку во 7. минута судијата покажеше црвен картон за Шкендија. Ивановски тргна сам накај противничкиот гол но беше фаулиран од Цуцули кој беше последен одбрамбен играч, судијата се одлучи за жолт, а домашните фудбалери бараа картон во друга боја.

На четири минути пред крајот на првото полувреме Шкендија поведе со гол на Жуниор по една грешка на Мијушковиќ, кој подоцна се извади со израмнувачки погодок во 60. минута.

На десетина минути пред крајот, Кировски погоди со глава за 1-2 што беше и конечен резултат на натпреварот.

Работнички го победи Силекс и во Кратово, овој пат со 2-1 и со вкупни 5-1 се пласира меѓу четирите најдобри каде што место има и за Брегалница која славеше над Царев Двор со 4-1 и за Турново кој денеска загуби од Македонија Ѓорче Петров со 1-0 но имаше доволна залиха од првиот меч.

Куп на Македонија четвртфинале:

Вардар - Шкендија 1:2 (0:3)
Силекс - Работнички 1:2 (0:3)
Брегалница - Царев Двор 4:1 (1:1)
Турново - Македонија ЃП 0:1 (4:2)

Во заграда се резултатите од првите натпревари.