Англија Екипата на Портсмут успеа да постигне договор со Премиер Лигата да продава играчи и покрај тоа што трансфер периодот е завршен

Помпеите, кои се во големи финансиски потешкотии, привични побараа да продадат дел од своите ѕвезди надвор од трансфер периодот во февруари.

Премиер Лигата тогаш го одби барањето но откако Портсмут замина во стечај бордот имаше нов состанок минатата недела и стечајниот управник сега доби зелено светло да започне преговори за продажба на играчите но само под одредени услови.

Соопштението на Премиер Лигата гласеше: “На состанокот на бордот на Премиер Лигата минатата недела беше одлучено да му се дозволи на Фудбалскиот Клуб Портсмут да продава играчи надвор до трансфер периодот но само под следниве услови.”

“1. Играчите можат да бидат продадени на други клубови од Премиер Лигата но тие нема да можат да играат за првиот тим на новиот клуб до крајот на сезоата.”

“2. Играчите можат да бидат продадени на клуб од Фудбалската Лига или клуб од странство, но за тоа ќе треба да се даде одобрение ФИФА.”

“3. Портсмут може да воспостави договор со друг клуб од Премиер Лигата, Фудбалската Лига или од странство за играчот да биде продаден на другиот клуб летоска.”

Сега се очекува играчите како што се Надир Белхаџ, Марк Вилсон, Кевин-Принц Боатенг и Тал Бен Хаим да се најдат на мета на клубовите ширум Европа.

Но стечајниот управник Андронику ги осигурува фановите дека сите играчи што ќе бидат продадени веднаш ќе бидат препратени на позајмица во Портсмут до крајот на сезоната.

Powered by: 24 FUDBAL.com.mk