Шпанија Екипата на Севиља реши да му врачи отказ на својот тренер Маноло Хименез откако клубот од Андалузија на домашен терен не успеаа да го совлада последно пласираниот Ксерес
Бордот на директори на Севиља реши да му врачи отказ на Маноло Хименес откако седми натпревар во низа Севиља не успеаа да забележат победа.
По добриот старт на сезоната, Севиља сега е во голема резултатска криза која допринесе клубот да биде елиминира од Лигата на Шампионите и да испадне од топ четворката на табелата во Ла Лига.
На вчерашниот дуелот со Ксерес, кој заврши пред околу два часа, домакините одиграа само 1-1 со фенерџијата на табелата, откако гостите со погодок во 91та минута стигнаа до 1-1.
Очигледно ваквиот резултат ја прели чашата па Маноло Хименз доби отказ.
Севиља на својата официјална страна испрати соопштение кое гласеше: “Бордот на Директори на Севиља реши да му врачи отказ на Маноло Хименез.”
“Утрешниот тренинг ќе го предводат Рамон Ориа и Начо Орељана а Бордот дополнително ќе донесе одлука за новиот тренер на првиот тим.”
Заминувањето на Хименез претходно го потврди и директорот Мончи кој одржа кратка прес-конференција по крајот на натпреварот со Ксерес.
“Одлуката е многу болна но мораше да се решиме на ваков чекор. Се натпреваруваме за две многу важни цели, од спортска и економска гледна точка.”
“Хименес стори се што можеше за да ја надминеме кризата и имам само пофални зборови за неговата работа.”
Името на Луис Арагонес се споменува како главен кандидат за превземање на кормилото на Севиља но Мончи вели дека тие сеуште не контактирале со никого.
“Не можеме да говориме за тоа кој ќе биде нов тренер бидејќи сеуште не сме разговарале со никого.”
Powered by: 24 FUDBAL.com.mk
