Италија Силвио Берлускони вели дека не знае дали Марио Балотели ќе се пресели во Милан но додава дека напаѓачот на Интер има ’фаца на Росоњер’

Младиот напаѓач на Интер повторно им даде повод на медиумите од Италија да шпекулираат за неговата иднина откако во комичното шоу ’Striscia la Notizia’ на поклон доби дрес од Милан со неговото презиме и бројка, дрес кој подоцна Балотели го облече.

Италијанскиот интернационалец до 21 година, кој како дете бил фан на Росоњерите, не е во најдобри односи со Жозе Мурињо и се шпекулира дека по крајот на сезоната постои голема можност Балотели да го напушти Џузепе Меаца.

Извештаите говорат дека Балотели дури би можел да премине во лутиот градски ривал на Нероаѕурите, Милан.

Премиерот на Италија и споственик на Милан, Силвио Берлускони во интервју за емисијата ’Boungiorno Lombardia’ бил запрашан дали во иднина е можно Балотели да го облече дресот на Росоњерите.

“Не знам, не ме прашувајте за тоа.” – рече Берлускони.

“Но како и да е, тој има симпатична фаца, фаца на Росоњер.”

Powered by: 24 FUDBAL.com.mk