Италија Надир Белхаџ би можел од Портсмут да се пресели во Рома по крајот од сезоната откако неговиот агент го потврди интересот на италијанскиот тим.

Портсмут е сигурен патник во Чемпионшип дивизијата, тоа е знак дека голем дел од сегашните фудбалери ќе бидат продадени.

Агентот на Белхаџ, Марк Поморин открива дека Рома се интересира за неговиот клиент, но сеуште немало контакт помеѓу двата клуба.

"Има многу шпекулации за Надир и знам за шпекулациите кои го поврзуваат со Рома, но нема ништо дефинитивно" - изјави агентот за calciomercato.com.

"Кога некој фудбалер е добар, нормално е да се интересираат повеќе клубови".

"Сеуште сме немале официјален контакт со Рома, но тоа не значи дека и во иднина ќе немаме".

"Но тие треба да контактираат и со Портсмут" - изјави агентот на Белхаџ.

Powered by: 24 FUDBAL.com.mk