Англија | Џон Оби Микел вели дека играчите му даваат целосна поддршка на Жозе Мурињо кој е пред отказ од кормилото на Челзи поради лошите резултати...



Жозе Мурињо добил ултиматум од Роман Абрамович, Челси мора да победи на следните два натпревари доколку Португалецот сака да остане на кормилото на тимот.
 
Челси загуби и од Ливерпул, па кризата дополнително се продлабочи. Шпекулациите дека Мурињо ќе добие отказ не се остварија, но сега се појавија нови стории во англиските медиуми.
 
Телеграф тврди дека Абрамович имал разговор со Мурињо и побарал победи на следните два натпревари во спротивно ќе мора да бара нов менаџер.
 
Првиот меч му е против Динамо Киев од Лигата на шампионите кој на програмата е во среда на Стемфорд Бриџ, вториот дуел е гостувањето кај Стоук во сабота.
 
Абрамович сака да му даде поддршка на Мурињо, но повеќе од тоа сака Челси да го продолжи континуитетот со настапи во Лигата на шампионите, па доколку тимот не се врати брзо на победничките патеки ќе мора да реагира.
 
Во медиумите се појавија и шпекулации дека фудбалерите му го вртат грбот на Мурињо и намерно не даваат 100% на теренот. Но таквите информации ги негира Џон Оби Микел.
 
„Сите сме со менаџерот. Нема сомнеж во тоа. На секој тренинг работиме напорно. Ако некој може да ја сврти ситуацијата во наша полза, тогаш тоа дефинитивно е Жозе Мурињо" - вели Џон Оби Микел.
 
„Минатата сезона бевме шампиони, освоивме два трофеи. Жозе го познава овој клуб подобро од било кој друг менаџер. Тој е најуспешен тренер во клупската историја. Мислам дека се што е расипано може да биде поправено, тој може да направи добри работи за Челси. Сите играме за клубот и нашиот тренер, му даваме 100% поддршка".

Извор: 24FUDBAL.com.mk