МЕНИ

Англија | Жозе Мурињо вели дека не се грижи многу за критиките кои пристигнуваат на негова адреса бидејќи освоил толку многу трофеи па не мора никому да се докажува...

Челзи игра очајно на почетокот на сезоната, а Мурињо го има својот најлош старт во кариерата, па португалскиот стратег е мета на медиумите и дел од критичарите.

„Чувствувам голема поддршка од луѓето околу себе, особено од играчите, не можев тоа ниту да го замислам. На улица ме сретнуваа луѓе и ме поздравуваат. Се чувствувам чудно бидејќи фудбалот е мојот свет, мојата работа, мојата љубов. Тоа е работата која отсекогаш сум ја сакал и на која комплетно и се посветив. Но не му припаѓам на фудбалскиот свет! Не припаѓам на модерниот концепт на фудбалот. Живеам во поинаков свет. Немам моќ. Јас сум осамен човек во ерата на модерниот фудбал. Ја работам својата работа, не сум политичар, ниту портпарол и не ме интересира што мислат луѓето за мене. Тоа сум што сум. Кога ми оди добро изгледа како ништо да не се случува, а кога ќе ми тргне лошо малку патам и тоа е тоа. Факт е дека немам многу пријатели во фудбалскиот свет" - вели Мурињо.

„Мислам дека мојата кариера не е нормална, бидејќи во континуитет освојував голем број на трофеи. Не е нормално колку ги имам дома. По 15 години во оваа работа слободно можам тоа да го кажам. Дури 22 трофеи за 15 години, па тоа е премногу".

„Научив да бидам среќен, но и другите да се задоволни околу мени. Кризата е момент кој нема да трае вечно и Челзи повторно ќе биде голем. Имам право на една слаба сезона, особено бидејќи има тренери кои имаат една добра сезона во 20 години. Некои немаат ниту една а повторно работат. Јас сум се докажал и нема на кој да му положувам сметки".