Македонија | Најдобриот македонски фудбалер, Горан Пандев се враќа во репрезентацијата, напаѓачот повторно ќе го облече црвениот дрес...



Новиот селектор на македонската репрезентација, Игор Ангеловски денеска во Џенова остварил средба со Горан Пандев по која е потврдено дека тој се враќа во стројот.
 
Горан Пандев ќе дојде во Македонија во пресрет на пријателскиот дуел со Црна Гора, но комплетно во функција ќе се стави по контролните натпревари на 12. и 17. ноември.
 
„Среќен сум што повторно ќе бидат дел од репрезентацијата на Македонија. Разговаравме со новиот селектор и подготвен сум да се вратам во националниот тим" - изјави Горан Пандев за официјалната страна на ФФМ..
 
„Помина долго време од мојот последен настап за Македонија и искрено воопшто не ми беше сеедно. Напротив, тешко ги поднесував сите случувања поврзани со репрезентацијата, но тоа е период кој е зад нас. Сега имаме сосема друга цел. Да се обединиме и да се обидеме да бидеме успешни. На секоја репрезентацијата и треба поддршка, верувам дека заеднички ќе успееме да ја подигнеме мотивираноста и квалитетот".

Извор: 24FUDBAL.com.mk