Англија | Сеск Фабрегас му дава поддршка на Жозе Мурињо, вели дека ’Специјалниот’ е најдобриот тренер за Челзи и само прашање на време е кога ’Сините’ ќе почнат одново да победуваат...
Клубот од Стемфорд Бриџ го има најлошиот старт во една сезона во последните 37 години, откако во воведните осум кола забележаа само две победи и дури на четири натпревари доживеаа пораз.
Менаџерското столче на Жозе Мурињо се тресе, но лидерите на клубот сеуште веруваат во Португалецот и на почетокот од оваа недела му дадоа поддршка на стратегот.
Сеск Фабрегас го дели ваквиот став на управата на клубот, и вели дека ’Специјалниот’ е најдобриот тренер за Челзи.
„Тој е најдобриот тренер во историјата на клубот и најдобриот што можеме да го имаме” – вели Фабрегас.
„Мене лично, Мурињо ми помогна во еден многу комплициран период од мојата кариера и ми укажа доверба”.
„Па ќе сторам се што ќе побара”.
„Во моментов не ни оди добро, но ќе го подигнеме нивото на игра. Го имаме најдобриот тренер во светот”.
„Луѓето не заборавиле дека пред пет месеци ја освоивме Премиер лигата и триумфиравме во Лига купот, но мора што поскоро да ја промениме ситуацијата”.
Извор: 24FUDBAL.com.mk
