Германија Франц Бекенбауер ја советува управата на Баерн Минхен да стори се што може за да го задржи Франк Рибери на Алианц Арената

Францускиот интернационалец долго време се поврзува со заминување од Баерн Минхен а екипите на Барселона, Реал Мадрид и Челзи се посочуваат како можна идна дестинација на играчот.

Но постои можност играчот да остане на Алианц Аренета и се ќе биде познато кон крајот на месецов или почетокот на април кога преговорите за продолжување на договорот на Рибери ќе завршат.

Франц Бекенбауер, кој сега има само улога на почесен претседател на Баерн, вели дека Рибери мора да остане во Минхен.

“Тој (Рибери) е специјален играч.” – рече Бекенбауер за Die Welt.

“Во неговата прва сезона во Германија, тој ги промени навиките во нашата лига и навистина беше задоволство да се гледа.”

“Можеби сега не игра во толку импресивна форма но тој останува извонреден фудбалер.”

“Јас можеби сум само почесен претседател и не се грижам многу но клубот треба да стори се што може за да го задржи Рибери.”

Во меѓувреме спортскиот директор, Кристиан Нерлингер вели дека Рибери сеуште не одлучил за својата иднина.

“Пред некој ден разговарав со Рибери околу неговата иднина и го запрашав дали има слика за тоа каде ќе игра следната сезона.” – рече Нерлингер.

“Тој само ми кажа дека сака да се концентрира на неговите перформанси во следните неколку недели.”

Powered by: 24 FUDBAL.com.mk