Англија | Според англиските медиуми, ФА започнала истрага против Жозе Мурињо поради навреди кон докторката Ева Карнеиро...



Англиската фудбалска асоцијација ќе го истражува инцидентот во кој Жозе Мурињо упати навредливи зборови кон докторката на Челзи кога таа влезе во теренот да му укаже помош на Еден Азар.
 
Жозе Мурињо сметаше дека влегувањето на Ева Карнеиро во самиот финиш на натпреварот е непотребно и го чинело клубот бидејќи по тој чин Азар мораше да го напушти теренот и сините за момент останаа со девет фудбалери.
 
Видео снимките покажуваат дека Мурињо упатил навредливи зборови кон докторката кога таа истрчала на теренот, тој рекол „Фила да пута!" што во превод значи ќерка курвинска.
 
ФА го истражува случајот, и доколку биде прогласен за виновен Мурињо може да добие суспензија од пет натпревари според правилото Е3 кое гласи: „Фудбалерите и тренерите можат да бидат казнети за користење на навредлив јазик и гестикулации. Минималната казна е пет натпревари суспензија".

Извор: 24FUDBAL.com.mk