Англија | Жозе Мурињо не го криеше задоволството по победата на Челзи над Макаби која доаѓа во кризниот период кој го има неговиот тим во Премиерлигата...



Челзи со убедливи 4-0 го победи Макаби во првото коло од Лигата на шампионите, Мурињо повторно беше главен на прес конференцијата.
 
„Заборавив како е да се победува. Долго време немавме победа, па добро, добро е чувството" - вели Мурињо.
 
„Јас сум фантастичен менаџер кога победувам, јас сум фантастичен менаџер и кога губам".
 
Навивачите му даваат поддршка на Мурињо и покрај лошите резултати.
 
„Тоа покажува дека тие не читаат весници и немаат кратка меморија. Доколку не читаат весници ќе ми даваат поддршка, доколку немаат кратка меморија ќе ми даваат поддршка".
 
„Си велат, четири пати ја освоивме Премиерлигата, три пати се него, еднаш со неговиот тим. Не е лош менаџер, ајде да го поддржиме. Имаме шанса да дојдеме и до петта титула".
 
Челзи во сабота игра лондонско дерби против Арсенал, Мурињо нема да може да смета на повредените Педро и Вилијан.

Извор: 24FUDBAL.com.mk