Англија | Менаџерите на Евертон и Челзи имале мал инцидент по крајот на натпреварот, а Роберто Мартинез вели дека ’Специјалниот’ бил многу фин кога ’Сините’ славеле со 6-3 минатата сезона...



Евертон ја продлабочи кризната на Челзи откако со 3-1 славеше над шампионот на Англија во саботата.
 
По крајот на средбата, Жозе Мурињо му замерил на својот колега зошто прв им се обратил на медиумите.
 
Во Премиерлигата непишано правило е гостинскиот менаџер прв да се појави на прес-конференција со цел неговиот тим што поскоро да отпатува дома.
 
Сепак, Роберто Мартинез прв разговараше со медиумите, принудувајќи го Жозе Мурињо нервозно да реагира.
 
„Роберто, следниот пат пушти ме прв да зборувам бидејќи треба да патуваме” – нервозно му се обратил Мурињо на менаџерот на Евертон пред собата за прес конференција.
 
„Немам контрола врз тоа Жозе, не одлучувам јас” – бил одговорот на Мартинез
 
Мурињо на ова вратил со мала пцовка.
 
За ваквото однесување на ’Специјалниот’, менаџерот на ’Карамелите’ подоцна рече: „Кога не победија 6-3 (минатата сезона), тој беше многу фин човек. Преферирам секогаш да се однесува така!”

Извор: 24FUDBAL.com.mk