Англија | Давид Де Геа ја продолжи соработката со ’Црвените Ѓаволи’, Шпанецот попладнево стави потпис на нов четири годишен договор...



Голманот цело лето силно се поврзуваше со трансфер во Реал Мадрид, преговорите започнаа во последниот ден од преодниот рок, и кога се чинеше дека Давид Де Геа ќе стане нов играч на ’Кралевите’, зделката пропадна во последните мигови откако целокупната документација не беше доставена на време.
 
Давид Де Геа и Манчестер јунајтед потоа ги обновија преговорите за продолжување на соработката, двете страни за кратко време успеаа да пронајдат заеднички јазик, па денеска репрезентативецот на ’Црвената Фурија’ се обврза кон најтрофејниот клуб од Англија до 2019.
 
„Давид Де Геа стави потпис на нов четири годишен договор со Манчестер јунајтед, според кој ќе остане на Олд Трафорд до 2019. Постои опција договорот да биде продолжен за уште една година” – гласеше известувањето на ’Црвените Ѓаволи’.
 
За новиот договор, 24 годишниот Шпанец рече: „Задоволен сум што започнувам ново поглавје од мојата кариера во дресот на Манчестер јунајтед”,
 
„Секогаш уживав во настапот со овие одлични играчи пред нашите фантастични фанови”.
 
„Манчестер јунајтед е специјален клуб и Олд Трафорд е идеално место за јас да продолжам да бележам прогрес”.
 
„Ќе се обидам што поскоро да го оставам зад себе тешкото лето и да се фокусирам на напорна работа во обид да им помогнам на соиграчите да забележиме успех”.

Извор: 24FUDBAL.com.mk