Англија Менаџерот на Арсенал, Арсен Венгер вели дека нема да стане следниот тренер на Реал Мадрид и додава дека планира да го одработи својот договор со Топџиите до 2011

Венгер подолго време е следен од Реал Мадрид и му беше понудена можноста да го предводи новиот Галактикост тим на Пелегрини но Французинот минатото лето ја одби таа можност.

Сега откако Кралевите неочекувано беа елиминирани од Лигата на Шампионите, медиумите повторно го поврзуваат стратегот со кормилото на Бернабе.

Сегашниот тренер на Реал, Мануел Пелегрини е под голем притисок но Венгер вели дека нема намер да го напушти Емирати.

“Оставете ме на мира.” – рече Венгер. “Јас секогаш ги одработувам во целост моите договори и така ќе биде случајот и сега, јас ќе останам тука до 2011.”

“Па нема шанси да се преселам во Реал.”

“За мене, ова е најлош момент за појавување на шпекулациите и враќање на овие дебати.”

“Во овој момент јас сум фокусиран само на Хал Сити.”

“Тие можеби се помалку гламурозни од Реал Мадрид но се многу поважни за мене во овој момент.”

Перез потроши над 250 милиони евра за креирање на тим кој ќе го врати Реал на победничките патеки во Шпанија и Европа, но шеста сезона по ред, Кралевите се елиминирани уште во осмина-финалето од Лигата на Шампионите.

“Не значи дека ќе ја освоите Лигата на Шампионите доколку вложите 250 милиони евра. Доколку можете секоја година да трошите толкму многу пари, ќе стигнете до трофејот но ова е првата година откако Перез се врати и потребно е да му се даде време.”

“Тој треба само да инвестира и следната година, па мислам дека повторно ќе бидат голем конкурент.”

Powered by: 24 FUDBAL.com.mk