Англија | Со одличните перформанси на дуелот против Клуб Бриж и двата постигнати гола, Мемфис Депај ги воодушеви фановите на Манчестер јунајтед кои сметаат дека конечно ја добиле вистинската седумка...



Бројот седум во Манчестер јунајтед е светиот број, него го носеле вистински легенди на клубот како Џорџ Бест, Брајан Робсон, Ерик Кантона, Дејвид Бекам и Кристијано Роналдо. По заминувањето на Португалецот, Овен, Валенсија и Ди Марија се обидоа да ја оправдаат седумката но не успеаа.
 
Дали конечно легендарниот број е во вистински раце. Фановите на Манчестер јунајтед се надеваат дека конечно имаат нова вистинска седумка, нов играч кој заслужува да го носи бројот, Мемфис Депај.
 
Депај синоќа имаше одличен перформанс и беше најзаслужен за победата на Јунајтед од 3-1. Постигна два гола и му асистираше на Фелаини за третиот. Пофалбите стигнуваа од сите страни.
 
„Сакам да го бакнам Депај, со два кола и една асистенција и два гола тој е вистинскиот херој. Се надевам дека ќе продолжи во овој стил" - изјави Луи ван Гал по натпреварот.
 
Депај е задоволен поради двата гола, но сакал да постигне и хет-трик.
 
„Се радувам за головите и победата, но разочаран сум што не постигнав хет-трик. Убаво е чувството по моите први два гола во дресот на Јунајтед".

Извор: 24FUDBAL.com.mk