Шпанија | Дефанзивецот на Барселона, Жерард Пике го чека суспензија од 4 до 12 натпревари за црвениот картон заработен на вчерашниот реванш против Атлетик Билбао во Суперкупот на Шпанија...



Во 55. минута од средбата, Жерард Пике бурно протестираше кај првиот помошни сметајќи дека еден од фудбалерите на Атлетик Билбао се наоѓа во офсајт, но од повторената снимка се гледа дека дефанзивецот на Барса не е во право.
 
Репрезентативецот на ’Црвената Фурија’ претера со приговорите па заработи директен црвен картон од судијата Карлос Веласко Карбаљо.
 
Медиумите од Шпанија пренесуваат дека судијата во извештајот посочил дека го исклучил Жерард Пике поради употреба на навредлив и вулгарен јазик на адреса на неговиот помошник, или поточно играчот на Барселона кажал: „Да и се посерам на твојата курвинска мајка”.
 
Според членот 94 од дисциплинскиот правилник, за ваков тип на однесување, на Жерерд Пике му се заканува суспензија од 4 до 12 натпревари.

Извор: 24FUDBAL.com.mk