Англија | Менаџерот на ’Црвените Ѓаволи’, Луј ван Гал вели дека Давид Де Геа одбил да игра па затоа нема да биде во комбинација за дуелот со Астон Вила...



Шпанецот, кој има само уште 12 месеци од договорот, одбива да ја продолжи верноста кон Манчестер јунајтед и сака трансфер во Реал Мадрид.
 
Сепак, ’Кралевите’ не можат да постигнат согласност со ’Црвените Ѓаволи’ за висината на обесштетувањето, па иднината на Давид Де Геа е неизвесна.
 
Голманот беше изоставен од составот за воведниот натпревар против Тотенхем, а нема да биде во комбинација ниту за вечерашниот дуел со Астон Вила.
 
Луј ван Гал открива дека минатата недела имале разговор со Давид Де Геа, го прашале дали сака да игра, а голманот одговорил негативно.
 
„Разговаравме со него (Де Геа) и тој целосно се согласува со нашата одлука” – вели менаџерот на Манчестер Јунајтед.
 
„Имам двајца асистенти и разменуваме мислење на вакви теми. Исто така тука е и тренерот на голманите, Франс Хук”.
 
„Франс Хук имаше состанок со Давид Де Геа и го праша: ’Дали сакаш да играш?’ Одговорот беше ’Не’. Па јас донесов одлука”.

Извор: 24FUDBAL.com.mk