Англија Според медиумите од Англија, екипата на Челзи ги продолжила преговорите со Никола Анелка за обновување на верноста на играчот.

Извештаите на медиумите говореа дека преговорите помеѓу Челзи и Анелка се во мирување уште во јануари откако двете страни имаа големи разлики околу финансискиот дел од договорот.

Французинот е под договор со Сините до 2011 и во неколку наврати најавуваше дека е подготвен да ја продлжи верноста со клубот од Западен Лондон.

Поради застојот во прегооврите се појавија шпекулации кои велеа дека Анелка е подготвен да се пресели во друг клуб.

Но според Sky Sports News Сините повторно се на преговарачка маса со поранешниот играч на Арсенал и Ливерпул, во обид да се постигне согласност за новиот долгорочен договор.

Се верува дека Челзи на Анелка му нуди двегодишно продолжување на сегашниот договор.

Интеранционалецот на Франција оваа сезона под водство на Карло Анчелоти игра регулрано и зад своето име има постигнато 13 погодоци.

Powered by: 24 FUDBAL.com.mk