Англија | Бастијан Швајнштајгер преку социјалните мрежи ги повика сите фанови на Манчестер јунајтед кои купиле негов дрес со погрешен број да му пишат за тој да им испрати нов дрес, откако фудбалерот го промени првичниот број...



Германецот на подготовките го носеше дресот со бројот 23, но за новата сезона тој го одбра својот препознатлив број 31.
 
Но сите оние што купиле дрес со бројот 23 не треба да се грижат бидејќи Бастијан Швајнштајгер вети дека ќе им испрати нови дресови.
 
Репрезентативецот на ’Панцирите’ се реши на ваков чекор откако еден фан му се пожали на Фејсбук дека потрошил над 100 евра и Адидас одбива да му го замени дресот.
 
„Навистина жално Флоријан” – напиша Швајни. „Ќе ти испратам потпишан дрес со цел да ти помогнам. Ти благодарам за големата поддршка!”
 
„Исто така, сите фанови што ќе ми испратат слика со мојот стар дрес, ќе подарам 31 дрес од Манчестер Јунајтед”.

Извор: 24FUDBAL.com.mk