МЕНИ

Шпанија | Трансфер целта на Манчестер јунајтед, Педро вели дека не сака да замине од Барселона но признава дека неговата ситуација е комплицирана...

28 годишниот Шпанец вчера одново беше јунак на Барселона, откако влезе од клупата за резерви и го постигна победоносниот гол против Севиља во Суперкупот на Европа.

По крајот на средбата, Педро истакна дека не сака да замине од Камп Ноу, но призна дека неговата ситуација е комплицирана.

Фудбалерот бара поголема минутажа, но со Меси, Нејмар и Суарез во нападот, Педро е во втор план.

Запрашан дали сака да замине, Педро вели: „Не, одговорот е не”.

„Но ситуацијата е комплицирана поради многу работи. Парите не ми се важни, приоритет ми е минутажа и настап во континуитет. Јас сум амбициозен фудбалер”.

„Без разлика дали ќе останам или ќе заминам, Барса секогаш ќе биде во моето срце”.

„Не знам дали ова е последниот мој натпревар во дресот на Барселона. Во моментов сакам само да уживам во титулата”.

Во пресрет на дуелот помеѓу Барселона и Севиља, техничкиот секретар на ’Каталонците’, Роберт Фернандез обелодени дека имал состанок со Педро на кој играчот му пренел дека сака трансфер.

„Коментарите на Роберт се погрешни”.

„Разменивме неколку зборови и тој незнае низ што се имам поминато во Барса за да зборува така”.