Шпанија | Поранешниот фудбалер на Барселона, Христо Стоичков упати остри критики на адреса на Луј ван Гал и го советува Педро да не прави трансфер во Манчестер јунајтед...
Бугаринот, кој соработуваше една сезона со Луј ван Гал на Камп Ноу, во разговор со Onda Cero вели дека Холанѓанецот е просечен тренер и лоша личност.
Христо Стоичков исто така го обвинува Луј ван Гал дека ја уништил Барселона а истото сега му го прави и на Манчестер Јунајтед.
„Ван Гал придонесува играчите да страдаат, бидејќи тој самиот беше просечен фудбалер” – вели Стоичков.
„Ги уништува сите играчи, бидејќи е просечен тренер. Погледнете само колку играчи заминале поради него”.
„Ја уништи Барселона, беа потребни многу години за клубот да се реконструира”.
„Сега го уништива Манчестер јунајтед. Потроши преку 200 милиони евра на засилувања, и пред некој ден го гледав нивниот прв натпревар во Премиерлигата и тоа беше катастрофа”.
„Победија со 1-0 благодарејќи на автогол, а Ван Гал е среќен”.
„Никогаш не би го пуштил Педро да замине, никогаш, бидејќи ако се пресели во Манчестер јунајтед ќе престане да биде играч”.
„Се надевам дека Педро го слуша ова и ќе одлучи да остане во Барселона”.
„Она што Ван Гал му го направи на Виктор Валдес само покажува дека тој е лоша личност”.
Извор: 24FUDBAL.com.mk
