Македонија | Раководството на Работнички ги одреди цените за квалификацискиот дуел од Лига Европа против Рубин Казан, натпреварот ќе можете да го следите за 200 денари...



Исто како и на претходните домашни натпревари на Работнички во Европа, цената на билетите и за дуелот со Рубин Казан ќе изнесува 200 денари.
 
По одличните настапи против Трабзон, интересот за дуелот помеѓу Работнички и Рубин е зголемен, па клубот се надева дека фудбалерите ќе добијат поголема поддршка од вообичаеното.
 
Билетите за натпреварот ќе можете да ги набавите од 14. август преку продажната мрежа на МК Тикетс, а од 17. август ќе се продаваат и на билетарата пред Арената „Филип втори“.
 
Натпреварот помеѓу Работнички и Рубин Казан се игра на 20. август со почеток од 21:00 часот.

Извор: 24FUDBAL.com.mk