Англија |  Жозе Мурињо стави потпис на нов четири годишен договор со Челзи, Португалецот не го крие задоволството по продолжување на соработката со неговиот омилен клуб...



На еден ден до почетокот на новата сезона, Жозе Мурињо стави потпис на нов договор со Челзи според кој ќе остане во тимот до 2019 година.
 
„Челзи со задоволство може да соопшти дека потпиша нов четири годишен договор со Жозе Мурињо" - стои во официјалното соопштение на клубот.
 
Мурињо изрази задоволство по потпишувањето на договорот.
 
„Доколку клубот е среќен и јас сум среќен. Мислам дека е нормално тоа што потпишувам нов договор. Важно е да се има континуитет и се надевам дека ќе уживаме во многу успеси во иднина, за фановите, фудбалерите и клубот" - вели Мурињо.
 
„Кога се вратив тука реков дека имам посебно чувство за овој клуб и ништо не се променило од тогаш. Ова е клуб кој е во моето срце и многу сум среќен што ќе останам уште долго време тука".

Извор: 24FUDBAL.com.mk