Англија | Менаџерот на Челзи, Жозе Мурињо вели дека повеќе не мисли на трансфер пазарот и се фокусира само на играчите кои ги има на располагање...



’Сините’ имаа два неуспешни обиди за ангажман на Џон Стоунс од Евертон, и се најавува дека на адреса на Евертон ќе испратат нов предлог вреден околу 30 милиони фунти.
 
Челзи исто така се поврзува и со ангажман на левиот бек на Аугсбург, Абдул Рахман Баба.
 
Но Жозе Мурињо вели дека за него трансфер пазарот е завршен, и неговите мисли се насочени кон воведниот натпревар од Премиерлигата против Свонси.
 
„Ова го повторувам секоја сезона. За мене трансфер пазарот е завршен. Не го сакам трансфер пазарот кога започнува сезоната” – вели ’Специјалниот’.
 
„Знам дека трансфер пазарот е отворен, знам дека мојот клуб може да купува или продава, но не го сакам тоа чувство”.
 
„Како тренер, сега мислам само на моите играчи, на мојот состав и не сакам да мислам на трансфер пазарот”.
 
„Што ќе се случи ќе се случи, но не сакам да потрошам ниту една минута повеќе на трансфер пазарот и ќе се обидам да го извадам најдоброто од моите играчи”.

Извор: 24FUDBAL.com.mk