Англија | Денешното издание на Marca пренесува дека ’Црвените Ѓаволи’ побарале од Серхио Рамос јавно да соопшти дека сака да замине од Сантијаго Бернабеу...



Шпанецот и Реал Мадрид не се на истра бранова должина во преговорите за продолжување на соработката, па подолго време се говори дека Серхио Рамос размислува за промена на средината.
 
Манчестер јунајтед посакува да го ангажира играчот, ’Црвените Ѓаволи’ се обидуваат да го искористат интересот на Реал Мадрид за Давид Де Геа, но ’Кралевите’ одбиваат да го продадат својот нов капитен.
 
Според денешното издание на Marca, клубот од Олд Трафорд побарал од Серхио Рамос јавно да соопшти дека сака трансфер, и на тој начин да изврши притисок врз Реал.
 
Весникот додава дека репрезентативецот на ’Црвената Фурија’ нема да се реши на еден ваков чекор во овој момент, и ќе почека да се сретне со претседателот Флорентино Перез.
 
Првиот човек на Реал ќе отпатува за Кина на средба со дефанзивецот, на која ќе се обиде да го убеди Серхи Рамос да остане на Сантијаго Бернабеу.

Извор: 24FUDBAL.com.mk