Останато | Златан Ибрахимовиќ е отворен за идеата да игра во МЛС шампионатот пред крајот на кариерата...



Швеѓанецот, кој силно се поврзува со враќање на Сан Сиро, вели дека фудбалот во САД забележал голем напредок во последните 10 години, па може да се види себеси како настапува во МЛС шампионатот.
 
„Би сакал да играм во САД, апсолутно” – рече Златан Ибрахимовиќ во разговор со Yahoo Sports.
 
„Во кој тим? Смеам да го откријам тоа? Не, не можам да кажам каде”.
 
„Мислам дека искуството ќе биде фантастично. Гледам дека фудбалот во САД забележал голем напредок”.
 
„Бев тука пред 10 години, и фудбалот тогаш не беше на нивото на кое е денес. Се движи во права насока, и сака да биде на нивото од Европа”.
 
Популарниот ’Ибракадабра’ исто така вели дека ако се пресели во САД тоа ќе биде за да освојува трофеи, а не само поради популарност.
 
„Нема да се преселам само поради моето име”.
 
„Доколку заиграм во САД, сакам да донесам успех. Во спротивно нема да се преселам. Играм за трофеи, тоа е мојата работа”.

Извор: 24FUDBAL.com.mk