Германија | Генералниот извршен директор на Баерн, Карл Хајнц Румениге соопшти дека си подале рака со Јувентус за трансфер на Артуро Видал...



Артуро Видал е на чекор до преселба на Алианц Арената, репрезентативецот на Чиле треба само да ги помине лекарските прегледи и да стави потпис на договорот.
 
„Можам да потврдам дека начелно постигнавме согласност со двете страни, со Јувентус и со играчот” – рече генералниот извршен директор на Баерн, Карл Хајнц Румениге на денешнате прес-конференција во Гуангжу.
 
„Останува само уште играчот да ги помине лекарските прегледи и да стави потпис на договорот”.
 
„Доколку работите се одвиваат според планот, следната недела ќе започне да тренира со нас”.
 
Карл Хајнц Румениге не откри детали од зделката, а според медиумите трансферот на Артуро Видал ќе биде вреден помеѓу 35 и 40 милиони евра.

Извор: 24FUDBAL.com.mk