Германија | Претседателот на Аугсбург, Клаус Хофман вели дека клубот е во здрава финансиска позиција па нема потреба да го продаде Абдул Рахман Баба на Челзи...
Шампионот на Англија е последниот голем клуб што пројавува сериозен интерес за 21 годишниот лев бек.
Се говори дека ’Сините’ во Абдул Рахман Баба гледаат замена за Филипе Луис, и се подготвени да платат околу 18 милиони евра за репрезентативецот на Гана.
Сепак, првиот човек на Аугсбург, Клаус Хофман вели дека финасиската позиција на клубот е здрава, па тие нема лесно да се откажат од талентираниот играч.
„Не ни се потребни милионите од евентуалната продажба на Баба” – вели претседателот на Аугсбург во разговор со Bild.
„Имаме добар, солиден тим”.
„Оптимист сум дека Баба ќе продолжи со одличните перформанси тука. Остави добри импресии на подготовките за новата сезона”.
„Јас сум фан на Аугсбург. За мене поважно е да ја поминам вечерта, со пиво во рака, гледајќи како Аугсбург победува отколку да имаме повеќе пари на сметка во банка”.
„Исто така, како што кажав претходно, нема да размислиме за понуда помала од 20 милиони евра”.
Извор: 24FUDBAL.com.mk
