Италија | Од таборот на Шалке потврдија дека ’Старата Дама’ добила дозвола да разговара со агентот на Јулијан Дракслер...
Шампионот на Италија е во потрага на плејмејкер, а 21 годишниот репрезентативец на ’Панцирите’ е една од желбите на тренерот Масимо Алегри.
’Старата Дама’ сеуште нема испратено конкретна понуда, но доби дозвола да преговара со агентот на Јулијан Дракслер.
„Јувентус ни испрати писмо и побара дозвола да разговара со агентот на Јулијан Дракслер” – вели спортскиот директор на Шалке, Хорст Хелдт.
„Им дозволивме, и покрај тоа што во моментов не сме добиле конкрент понуда од Јуве”.
Јулијан Дракслер е обврзан кон Шалке до 2018, и во неговиот договор има клаузула вредна 45,5 милиони евра, но оваа опција истече на крајот од јуни.
Според медиумите од Германија, клубот од Гелзенкирхен бара 35 милиони евра за услугите на Јулијан Дракслер додека пак Јувентус е подготвен да плати 25 милиони евра.
Медиумите од Италија исто така пишуваат дека разликата помеѓу двата клуба е 10 милиони евра, но според овие извештаи, ’Старата Дама’ нуди 20 милиони евра додека пак Шалке бара 30 милиони.
Извор: 24FUDBAL.com.mk
