Англија | Според пишувањата на El Mundo Deportivo, ’Топџиите’ се подготвени да ја платат откупната клаузула на Серхи Сампер вредна 12 милиони евра...



Талентираниот Шпанец подолго време е на радарот на Арсен Венгер, менаџерот на Арсенал најпрво во 2011 се обиде да го убеди играчот да се пресели во Лондон, но доби негативен одговор.
 
Минатото лето Арсенал повторно затропа на вратата на Серхи Сампер, но фудбалерот повторно реши да остане на Камп Ноу и да се бори за место во првиот тим.
 
Според денешното издание на El Mundo Deportivo, ’Топџиите’ сега пак се обидуваат да стигнат до услугите на Серхи Сампер.
 
Арсенал е подготвен да ја плати откупната клаузула во договорот на играчот вредна 12 милиони евра, и големи се шансите конечно да потпише со талентираниот дефанзивец од средниот ред.
 
Весникот пренесува дека Серхи Сампер нема гаранции за минутажа во првиот тим, па играчот би можел да ја напушти Барса.
 
Позајмица во поголем клуб е една од опциите, но 20 годишниот Шпанец би можел да се реши да ги следи стапките на неколку свои сонародници и кариерата да ја продолжи во Лондон под раководство на Арсен Венгер.

Извор: 24FUDBAL.com.mk