Англија | Луј ван Гал вели дека ’Црвените Ѓаволи’ ќе го засилат нападот ова лето, и додава дека сите ќе треба да почекаат за да дознаат кое ќе биде новото име на Олд Трафорд...
Минатата недела, по победата над Клуб Америка, менаџерот на Манчестер јунајтед најави изненадувачко засилување.
Зборувајќи утрово на прес конференција, Холанѓанецот истакна дека клубот сеуште работи на зделката.
Луј ван Гал одби да го откри идентитетот на мистериозниот играч, и само рече дека медиумите до овој момент не пишувале за ова име.
„Работиме на зделката” – вели Ван Гал.
„Не се работи за напаѓачите за кои пишуваат медиумите. Ќе треба да почекате и да видите”.
„Трансфер периодот е отворен до 31. август. Ќе треба да почекате”.
На почетокот од ова лето, Манчестер јунајтед се поврзуваше со Единсон Кавани од ПСЖ.
Потоа се најавуваше мега трансфер на Томас Милер, за кого ’Црвените Ѓаволи’ наводно се спремни да платат фантастични 100 милиони евра.
Медиумите исто така пишуваа дека на листата со желби се наоѓаат и Роберт Левандовски од Баерн Минхен, и Хари Кејн од Тотенхем.
Извор: 24FUDBAL.com.mk
